Nyucruk galur anu kapungkur,ngaguar carita anu baheula.sok ras ka lampah keur ngora keur mangsa belekesenteng alias keur bujangan.
Sok kagugu jeung sok seuri sorangan mun keur ingeut ka lampah katukang.
Teu kudu diguar eta na mah da harita mah mangsana , dina umur sakitu mah keur meumeujeuhna serba hayang nyaho jeung hayang dikanyahokeun batur bari eta teh salah eta teh goreng.
Peun da eta mah lampah katukang pikeun pieunteungeun.bahan carita pikeun ngawarah jeung ngadidik anak.yeun anu kitu teh tong dipilapah anu kieu salah montong dipigawe.
Tisajabana hal lampah pribadi anu loba pikaseurieuna.aya hal anu tepi ka kiwari terus dibandungan nya eta persoalan kahirupan dipadesaan.anu khususna diwewengkon Desa Sidamulya.
Hal dina titisara jeung adat istiadat,persualan sosial katut pwrekonomiana.persualana ka agamaana.puguh dideui ari hal pangwangunan mah , boh pangwangunan fisik atawa non fisik.
Asa anggeur wae kitu keneh kitu keneh.
Tah ieu ukur sakulit bawang urang guar hal eta mandar aya mampaat jeung paedahna.
Nya anu utamana mah mandar bisa nyumangetkeun diri pribadi anu asli pituin lahir di desa sidamulya.pikeun ngupayakeun sangkan sidamulya bisa ngaronjat dina hal pangwangunana.
Tapi teu teu ukur diri pribadi tangtuna gede hareupan sadayana tiasa paheuyeuk heuyeuk leungeun pikeun babarengan ngawujudkeun naon hal anu dicita citakeun ku urang salaku warga desa sidamulya.
Sangkan merele jeung malapah geudang dina tulisan ieu sareng bilihna aya carita anu salah bahasa anu kurang merenah , dihandap ieu aya biodata peibadi anu nyutat tulisan ieu.
